Hyderabad: Telangana Sarkar ne divyang (persons with disabilities) dampatiyon ke liye ek aham aur samvedansheel faisla liya hai. Rajya sarkar ne do divyang vyaktiyon ke beech shaadi par milne wale Marriage Incentive Award ko ₹1,00,000 se badha kar ₹2,00,000 karne ka order jaari kiya hai.
Yeh aadesh Department for Women, Children, Disabled and Senior Citizens ke tahat G.O.Ms.No.1, dated 17 January 2026 ko jaari hua. Sarkar ka kehna hai ki is badhotri ka uddeshya nava-vivahit divyang dampatiyon ko majboot arthik sahara dena aur unki jeevan gundwatta (quality of life) ko behtar banana hai.
Sarkari order ke mutabiq, ₹2 lakh ki rashi patni (wife) ke naam par di jayegi aur yeh laagu order jaari hone ki tareekh se mana jayega. Is se pehle yeh incentive ₹1 lakh tha.
Director, Department for Empowerment of Persons with Disabilities, Senior Citizens and Transgender Persons ko is faisle par zaroori karyavahi karne ke nirdesh diye gaye hain. Is order ko Finance Department ki concurrence bhi prapt ho chuki hai.
Telangana Sarkar ke is kadam ko divyang varg ke adhikar aur samaveshi vikas (inclusive development) ki disha mein ek bada aur sarahniya kadam maana ja raha hai.