AIMIM ke MLA Akbaruddin Owaisi ke khilaaf unke baar-baar diye ja rahe “15 minutes” jaise bhadkau aur dhamki bhare bayanon ko lekar police case darj kiya gaya hai. Arop hai ki Maharashtra ke local body elections ke dauraan ek public rally mein unhone phir se wahi provocative statement diya, jo Hindu samaj ke khilaaf dhamki ke taur par dekha ja raha hai.
Shikayat mein kaha gaya hai ki aise hate speeches na sirf samvidhan ke khilaaf hain, balki desh ki communal harmony ko bhi nuksaan pahunchate hain. Is tarah ke bayan samaj mein tension aur ashanti faila sakte hain.
Shikayat karta ne police se sakht kanooni karwai ki maang ki hai, taaki bhavishya mein kisi bhi neta ko is tarah ke dhamki bhare bayan dene se roka ja sake. Unka kehna hai ki kanoon ke saamne koi bhi upar nahi hai aur nafrat failane walon ke khilaaf strict action zaroori hai.